Komisioni Qendror i Zgjedhjeve ka publikuar sot raportet e shpenzimeve të tremujorit (korrik – shtator 2025) të subjekteve politike të cilat janë të përfaqësuara në Kuvendin e Republikës së Kosovës.

Sipas këtij ligji, subjektet politike i dorëzojnë këto raporte në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) dhe të njëjtat publikohen në ueb faqen e KQZ-së dhe të subjekteve politike.

Sipas raporteve të dorëzuara, në tre mujorin e tretë të këtij viti, nga korriku deri në shtator, Lëvizja Vetëvendosje ka shpenzuar 663 mijë e 459 euro e 47 centë.

Partia Demokratike e Kosovës (PDK), partia më e madhe opozitare i ka raportuar një shumë prej 220,660 euro për tremujorin e njëjtë.

Duke u pasuar nga Lidhje Demokratike e Kosovës (LDK) për tre muaj i ka shpenzuar gjithsej 188,533 euro.

Ndërsa Aleanca për Ardhmërinë e Kosovës (AAK) ka paraqitur shpenzime në vlerë prej 40,765 euro, që është shuma më e ulët në krahasim me partitë tjera parlamentare.